فرمان الہی
نماز کے اوقات
بالی ووڈ اداکار عمران خان نے نوجوان نسل کی پسندیدگی کے تناظر میں فلم انڈسٹری کے 3 بڑے سپر اسٹارز ’خانز‘ کو ہدف تنقید بنالیا۔
بھارتی میڈیا رپورٹ کے مطابق حالیہ انٹرویو میں 43 سالہ عمران خان نے کہا کہ تین بڑے سپر اسٹار شاہ رخ خان، سلمان خان اور عامرخان نے 3 دہائیوں تک بالی ووڈ پر راج کیا ہے۔
انہوں نے کہا کہ وقت کے ساتھ ان تینوں اداکاروں کو اپنے کرداروں میں تبدیلی لانے کی ضرورت ہے، نوجوان نسل 70 سالہ شخص کو ہیرو نہیں دیکھنا چاہتی ہے۔
بالی ووڈ اداکار نے مزید کہا کہ انہیں سمجھنا ہوگا کہ ایک عمر کے بعد مرکزی ہیرو کے کردار ناظرین خاص طور پر نوجوان نسل کےلیے پرکشش نہیں رہتے ہیں۔
اُن کاکہنا تھا کہ نوجوان نسل اپنی عمر اور تجربات سے مطابقت رکھتی کہانیوں اور کرداروں کے ساتھ خود کو زیادہ جڑا ہوا محسوس کرتی ہے۔
عمران خان نے یہ بھی کہا کہ یہی چیز اس بات کا فطری تقاضا ہے کہ سنیما میں جنریشن تبدیلی آئے، تینوں خانز کی شہرت اور وراثت بے مثال ہے مگر عمر کے ساتھ کرداروں اور اسٹارڈم کا بدلنا ناگزیز ہے۔
انہوں نے کہا کہ تینوں خانز کو اب فلموں میں ہیرو کے بجائے معاون یا مختلف نوعیت کے کرداروں کی طرف بڑھنا ہوگا اور یہی چیز موثر ثابت ہوگی۔
اداکار کی یہ گفتگو ایسے وقت میں سامنے آئی ہے جب خانز کو باکس آفس پر ملے جلے نتائج کا سامنا ہے، یہی بات ناظرین کی ترجیحات کی عکاسی کرتی ہے۔
