فرمان الہی
نماز کے اوقات
بنگلادیش نیشنلسٹ پارٹی (بی این پی) نے ڈھاکا-17 اور بوگرا-6 کے حلقوں سے چیئرمین طارق رحمان کی کامیابی کا دعویٰ کیا ہے۔
بنگلادیش میں 13ویں پارلیمانی انتخابات کے نتائج آنے کا سلسلہ جاری ہے۔ بنگلادیشی میڈیا کے مطابق بنگلادیش نیشنلسٹ پارٹی (بی این پی) کو 65 اور جماعت اسلامی کو 20 نشستوں پر برتری حاصل ہے۔
بی این پی میڈیا سیل کے رکن شیرال کبیر خان کے مطابق طارق رحمان کی کامیابی غیر سرکاری نتائج کی بنیاد پر سامنے آئی ہے۔
اس سے قبل آج صبح طارق رحمان نے دارالحکومت کے گلشن ماڈل ہائی اسکول اینڈ کالج پولنگ سینٹر میں اپنا ووٹ کاسٹ کیا۔
وہ صبح تقریباً 9:30 بجے پولنگ اسٹیشن پہنچے، اس موقع پر ان کے ہمراہ ان کی اہلیہ ڈاکٹر زبیدہ رحمان اور بیٹی زائمہ رحمان بھی موجود تھیں۔
انتخابی حکام کے مطابق نتائج کی حتمی توثیق سرکاری گزٹ کے اجرا کے بعد کی جائے گی۔
