فرمان الہی
نماز کے اوقات
اسپنر ابرار احمد کے بڑے بھائی شہزاد احمد نے کہا ہے کہ بھارتی بیٹر پہلے پاکستانی فاسٹ بولر سے ڈرتے تھے اب اسپنر سے ڈرنے لگے ہیں۔
کراچی میں میڈیا سے غیر رسمی گفتگو میں شہزاد احمد کا کہنا تھا کہ فاسٹ بولر شعیب اختر سے سب خوف کھاتے تھے، ابرار احمد سے بھی بیٹر ڈرنے لگے ہیں۔
بھائی نے امید ظاہر کی کہ بھارت کے خلاف میچ میں ابرار احمد 5 وکٹیں لیں گے۔
وکٹ لینے کے بعد ابرار کے جشن کے انداز پر بھارت کو بہت اعتراض ہے۔ ابرار اپنے جشن کے انداز کو برقرار رکھیں گے، انکےجشن کے انداز کو اب سب اپنانے لگے ہیں۔
خیال رہے کہ ٹی ٹوئنٹی ورلڈکپ 2026 میں پاکستان اور بھارت کی ٹیمیں کل آمنے سامنے ہوں گی۔
گروپ اے میں موجود دونوں ٹیمیں اب تک دو دو میچز کھیل چکی ہیں اور دونوں میں ہی فتحیاب رہیں۔
