فرمان الہی
نماز کے اوقات
نوجوان اداکار علی رضا حال ہی میں اپنے ڈراموں میں شاندار اداکاری کے بعد کافی مقبول ہو چکے ہیں، وہ جلد ہی کنزا ہاشمی کے ساتھ بھی اسکرین پر نظر آئیں گے، جس پر مداحوں نے قیاس آرائیاں شروع کر دی ہیں کہ دونوں کے درمیان کیمسٹری صرف اسکرین تک محدود نہیں۔
کنزا ہاشمی اپنی خوبصورتی، خوش مزاج طبیعت اور دوستی کی اہمیت جاننے کی وجہ سے بھی مداحوں میں مقبول ہیں، حال ہی میں انہوں نے ویلنٹائن ڈے کے موقع پر کچھ تصاویر پوسٹ کیں جن میں وہ پوز دیتی دکھائی دے رہی ہیں۔
مداحوں نے غور کیا کہ تصاویر میں جو گاڑی نظر آ رہی ہے، وہ مبینہ طور پر علی رضا کی ہی ہے، جس سے یہ قیاس بڑھ گیا ہے کہ شاید دونوں کی دوستی اسکرین سے آگے بھی ہے۔
اگرچہ اب تک دونوں اداکاروں کی جانب سے کسی قسم کی باضابطہ تصدیق سامنے نہیں آئی، مگر سوشل میڈیا پر مداح ان کے تعلقات پر جوش و خروش کے ساتھ تبصرے کر رہے ہیں اور دونوں کے مداح امید کر رہے ہیں کہ ان کی اسکرین کی کیمسٹری آف اسکرین بھی جاری رہے گی۔
