فرمان الہی
نماز کے اوقات
ٹی ٹوئنٹی ورلڈ کپ کے 35 ویں میچ میں پاکستان نے نمیبیا کے خلاف ٹاس جیت کر پہلے بیٹنگ کرنے کا فیصلہ کیا ہے۔
کولمبو میں پاکستان کی جانب سے صاحبزادہ فرحان اور صائم ایوب نے اننگز کا آغاز کیا اور دونوں بیٹرز ابتدا میں تھوڑی پریشانی کا شکار دکھائی دیے۔
پاکستان کی پہلی وکٹ 5.1 اوورز میں 40 رنز پر گری جب صائم ایوب 14 رنز بنا کر کیچ آؤٹ ہوگئے۔
بعدازاں کپتان سلمان آغا اور صاحبزادہ فرحان نے بہترین پارٹنرشپ قائم کی اور ٹیم کا اسکور 100 تک پہنچایا، اس دوران صاحبزادہ فرحان نے اپنی نصف سنچری بھی مکمل کی۔
اس سے قبل کولمبو میں ٹاس کے بعد گفتگو کرتے ہوئے پاکستان ٹیم کے کپتان سلمان علی آغا نے کہا کہ ہمارے اوپر کوئی پریشر نہیں، ہم میچ کے لیے تیار ہیں، ہم نے یو ایس اے کے خلاف اچھا کھیلا۔
دوسری جانب آج کے میچ کے لیے پاکستان ٹیم میں 2 تبدیلیاں کی گئی ہیں۔
شاہین آفریدی اور ابرار احمد ٹیم میں شامل نہیں ہیں، ان دونوں کی جگہ سلمان مرزا اور خواجہ نافع کو شامل کیا گیا ہے۔
واضح رہے کہ پاکستان ٹیم کو سپر ایٹ مرحلے میں پہنچنے کے لیے آج کا میچ جیتنا ہے اور اگر میچ بارش کی نذر ہو جاتا ہے تو تب بھی پاکستان ٹیم اگلے مرحلے کے لیے کوالیفائی کرلے گی تاہم نمیبیا سے شکست کی صورت میں امریکا کی ٹیم بہتر رن ریٹ پر سپر ایٹ کے لیے کوالیفائی کر جائے گی۔
