فرمان الہی
نماز کے اوقات
ٹی ٹوئنٹی ورلڈ کپ میں پاکستانی پلیئرز کی ناقص پرفارمنس کے بعد کھلاڑیوں پر ممکنہ جرمانے کے فیصلے کے بعد پاکستانی نژاد سابق آسٹریلین کرکٹر عثمان خواجہ کا ردِ عمل آگیا۔
اپنے بیان میں عثمان خواجہ کا کہنا تھا کہ مجھے معلوم ہوا ہے کہ پاکستانی کھلاڑیوں کو ٹی ٹوئنٹی ورلڈ کپ کے بعد جرمانہ ہوا ہے۔
ان کا کہنا تھا کہ پاکستان کرکٹ بورڈ کے فیصلے پر ہنسی آرہی ہے، معلوم نہیں کیا سوچ کر فیصلہ کیا۔ پاکستان کرکٹ ٹیم کو ہارنے پر جرمانہ ہوا ہے، پاکستانی کھلاڑی جان بوجھ کر نہیں ہارے۔
عثمان خواجہ نے کہا کہ پاکستانی کھلاڑیوں پر جرمانے سے آئندہ جیتنے کی کیا گارنٹی ہے؟ پاکستانی کھلاڑیوں کو مزید پریشر میں ڈالا گیا ہے۔ پاکستانی کھلاڑیوں پر پورے ملک کی امیدوں کا پہلے ہی پریشر ہوتا ہے۔
سابق آسٹریلین کرکٹر کا کہنا تھا کہ پاکستان کرکٹ ڈرامہ لگتی ہے، ہمیشہ حیران کرتی ہے۔
