فرمان الہی
نماز کے اوقات
صدرِ مملکت آصف زرداری اور وزیرِ اعظم شہباز شریف نے ہاکی ٹیم کو طویل وقفے کے بعد ورلڈ کپ کے لیے کوالیفائی کرنے پر خوشی کا اظہار کیا ہے۔
صدرِ مملکت آصف علی زرداری نے قومی ہاکی ٹیم کے طویل وقفے کے بعد ورلڈ کپ کے لیے کوالیفائی کرنے پر مسرت کا اظہار کرتے ہوئے کہا ہے کہ یہ کامیابی پاکستان میں ہاکی کے احیاء اور نوجوان کھلاڑیوں کے لیے حوصلہ افزا پیغام ہے۔
صدرِ مملکت نے یہ بھی کہا ہے کہ کھیل قومی اتحاد، نظم و ضبط اور صحت مند معاشرے کے فروغ میں اہم کردار ادا کرتے ہیں۔
دوسری جانب وزیرِ اعظم شہباز شریف نے کہا ہے کہ حکومت قومی ہاکی ٹیم کو تمام تر سہولتیں فراہم کرے گی۔
انہوں نے قومی ہاکی ٹیم کی 8 سال بعد ورلڈ کپ کے لیے کوالیفائی کرنے پر پذیرائی کرتے ہوئے ہوئے کہا ہے آپ کی تمام تر توجہ کھیل میں نمایاں کارکردگی کی جانب مرکوز ہونی چاہیے۔
وزیرِاعظم نے کھلاڑیوں کو مزید محنت جاری رکھنے کی نصیحت کرتے ہوئے کہا ہے کہ آپ اسی محنت اور عزم سے کھیل کر ورلڈ کپ حاصل کرسکتے ہیں۔
قبل ازیں مصر میں جاری ورلڈ کپ ہاکی کوالیفائیر کے سیمی فائنل میں پاکستان نے جاپان کو سنسنی خیز مقابلے کے بعد شکست دے کر ورلڈ کپ 2026ء کے لیے کوالیفائی کیا ہے۔
