• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100 لفظوں کی کہانی

مبشر علی زیدی
آج کا اخبار
ادارتی صفحہ
08 مارچ ، 2026

کتابیں ……

ڈوڈو نے مجھے اپنے والد کا کتب خانہ دکھایا۔

بلا مبالغہ اس میں ہزاروں کتابیں تھیں۔

نایاب کتابیں۔ آئوٹ آف پرنٹ کتابیں۔ نئی کتابیں۔

انکل کا گزشتہ ماہ انتقال ہوگیا تھا۔

اب ڈوڈو اس ذخیرے کو فروخت کرنا چاہتا تھا۔

انکل کب سے کتابیں جمع کررہے تھے؟ میں نے پوچھا۔

چالیس بیالیس سال سے، ڈوڈو نے بتایا۔

ان میں سے کتنی کتابیں انہوں نے پڑھی ہوں گی؟ میں نے جاننا چاہا۔

ڈوڈو نے کہا، وہ آخری وقت تک کتابیں جمع کرتے رہے۔

کہتے تھے کہ ریٹائرمنٹ کے بعد سکون سے پڑھوں گا۔

لیکن اس سے پہلے ان کا انتقال ہوگیا۔

تازہ ترین