• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100 لفظوں کی کہانی

مبشر علی زیدی
آج کا اخبار
ادارتی صفحہ
29 مارچ ، 2026

وزن ……

میں وزن کم کرنا چاہتا ہوں، میں نے خواہش ظاہر کی۔

روزانہ ایک گھنٹہ ورزش، ڈوڈو نے نصیحت کی۔

یہ مشکل کام ہے، میں نے ماتھا رگڑا۔

آدھا گھنٹہ واک، ڈوڈو نے حل پیش کیا۔

یہ بھی زیادہ ہے، میں نے منہ بنایا۔

چینی ورزش تائی چی سے بھی فرق پڑتا ہے، ڈوڈو نے بتایا۔

کوئی آسان طریقہ نہیں ہے؟ میں نے جاننا چاہا۔

روزانہ ایک کلو گلاب جامنیں کھائو، ڈوڈو نے مشورہ دیا۔

اس سے وزن کیسے کم ہوگا؟ میں نے حیرت سے پوچھا۔

ڈوڈو نے کہا، مٹھائی سے شوگر ہوجائے گی۔

شوگر میں وزن کافی کم ہوجاتا ہے۔

تازہ ترین