فرمان الہی
نماز کے اوقات
او جی ڈی سی ایل نے اٹک میں واقع جنڈ-1 کنویں سے گیس کی پیداوار شروع کردی۔
آئل اینڈ گیس ڈیولپمنٹ کمپنی لمیٹڈ کے اعلامیہ کے مطابق جنڈ-1 کنواں یومیہ 2 کروڑ 10 لاکھ مکعب فٹ گیس پیدا کر رہا ہے۔ یہ کنواں 2019 میں دکھنی گیس پروسیسنگ پلانٹ کے ذریعے پیداوار میں شامل کیا گیا تھا۔
اعلامیہ میں بتایا گیا کہ زیادہ مقدار میں زہریلی گیس، مشکل زیرِ زمین حالات کے باعث تکنیکی خرابی پیدا ہوئی، جس کے باعث گیس پیداوار معطل ہو گئی تھی۔
اس میں مزید کہا گیا کہ او جی ڈی سی ماہرین کی ٹیم نے رسک اینالیسز کے بعد کنویں کی بحالی کا منصوبہ کامیابی سے مکمل کیا ہے۔ آپریشن کے دوران زیرِ زمین آلات کو محفوظ طریقے سے نکالا گیا اور کنویں کی ساخت بحال کی گئی۔
او جی ڈی سی ایل اعلامیہ کے مطابق طویل المدتی تحفظ کیلئے کنویں میں خصوصی اینٹی کوریژن ٹیوبنگ نصب کی گئی ہے۔ جنڈ-1 کنویں کی بحالی سے ملک میں گیس کی مقامی پیداوار میں اضافہ ہوگا۔
