فرمان الہی
نماز کے اوقات
وزیرِ اعظم کی کفایت شعاری مہم کے تحت قومی اسمبلی سیکریٹریٹ نے موجودہ مالی سال کے بجٹ اور اخراجات کا تفصیلی جائزہ لینے کے بعد 47 کروڑ 21 لاکھ روپے قومی خزانے میں جمع کروا دیے۔
ارکانِ قومی اسمبلی کی تنخواہوں سے 2 کروڑ 10 لاکھ روپے کٹوتی کی گئی اور یہ رقم وزیرِ اعظم کے کفایت شعاری فنڈ 2026ء میں جمع کروائی گئی۔
اسپیکر کی ہدایت کے مطابق اسمبلی سیکریٹریٹ میں کفایت شعاری اقدامات کو ہر سطح پر نافذ کیا جا رہا ہے، جس کے تحت آئندہ ہفتوں میں قومی خزانے میں مزید رقوم جمع کروانے کی منصوبہ بندی کی گئی ہے۔
کفایت شعاری کے تحت قومی اسمبلی سیکریٹریٹ نے فیول اور توانائی کی بچت کے لیے 75 فیصد سرکاری گاڑیاں زمین پر روک دی ہیں۔
سیکریٹریٹ کا مقصد 2 ارب روپے تک بچت کرنا اور غیر ضروری اخراجات کو کم کرنا ہے۔
