پشاور( کرائم رپورٹر) پاکستان کا 69 واں یوم آزادی پولیس ٹریننگ کالج ہنگو میں ملی جوش و جذبےکے ساتھ منایا گیا ۔یوم آزادی کی تقریب میں اساتذہ ، معززین شہر، افسران اورزیر تربیت جوانوں اور دیگر اضلاع سے آئے افسرا ن نے شرکت کی۔ کمانڈنٹ ڈاکٹرفصیح الدین اشرف نے پرچم کشائی کی اور پولیس کےایک چاق و چوبند دستے نے سلامی دی۔پی ٹی سی کی تینوں مساجد میں پاکستان کی سلامتی اور خوشحالی کے لیے قرآن خوانی ہوئی۔ تقریب میں ملی نغموں کے علاوہ یوم آزادی کے حوالے سے زیر تربیت جوانوں کے مابین تقریری مقابلہ ہوااسکے علاوہ مشاعرہ اورورائٹی شو بھی منعقد ہواجس میں تما م مقامی فن کاروں اور پولیس کے میوزیکل گروپ نے حصہ لیا۔ زیر تربیت جوانوں نے مختلف خاکے اور آزادی کے موضوع پر ڈرامہ بھی پیش کیا جسے ناظرین نے بے حد سراہا ۔کمانڈنٹ پی ٹی سی نے آزادی پاکستان اور بابائے قوم قائد اعظم محمد علی جناح ؒ کی شخصیت اور مسلمانانِ ہند کی قربانیوں کاذکر کرتے ہوئے شہداء آزادی کو خراج عقیدت پیش کیا۔تقریب میں آئی جی پی ناصردرانی کا یوم آزادی کے حوالے سے خصوصی پیغام بھی سنایا گیا۔
فرمان الہی
نماز کے اوقات
