فرمان الہی
نماز کے اوقات
بھارت کو آنے والے دنوں میں شدید معاشی دباؤ، توانائی کی بڑھتی قیمتوں اور مہنگائی میں اضافے کا سامنا کرنا پڑ سکتا ہے جبکہ تیل بحران مزید سنگین ہونے کے آثار ظاہر کیے جا رہے ہیں۔
بلوم برگ کی رپورٹ کے مطابق بھارتی وزیرِاعظم نریندر مودی نے بھی ممکنہ خطرات سے خبردار کرتے ہوئے شہریوں کو محدود وسائل کے استعمال اور زرِمبادلہ کے بچاؤ کی ہدایت کر دی۔
بلوم برگ کا کہنا ہے کہ بھارت کی سرکاری تیل کمپنیوں کو ہر ماہ تقریباً 300 ارب روپے کے نقصان کا سامنا ہے جس سے حکومتی مالی دباؤ میں مزید اضافہ ہو رہا ہے۔
رپورٹ میں بتایا گیا ہے کہ آئندہ چند مہینوں کے دوران بھارت میں مہنگائی کی شرح مزید بڑھنے اور ایندھن کے بحران کے شدت اختیار کرنے کا امکان ہے۔
شدید دباؤ کے باعث بھارتی اسٹاک مارکیٹ ایشیاء کی کمزور ترین مارکیٹ بن چکی ہے۔
