سکھر (بیورو رپورٹ) نیوپنڈ کے علاقہ مکینوں نے پینے کے پانی کے شدید بحران اور واٹر سپلائی لائن کا کام ادھورا چھوڑے جانے کے خلاف نیوپنڈ چوک پر احتجاجی مظاہرہ کیا۔ مظاہرین محکمہ نساسک کے خلاف نعرے بازی کررہے تھے۔ مظاہرے کی قیادت شعبان میرانی نے کی۔ مظاہرین کا کہنا تھا کہ نیوپنڈ کے علاقے میں ایک ماہ سے پینے کے پانی کا بحران ہے جس کے باعث علاقہ مکین پانی کی بوند بوند کو ترس رہے ہیں اور دور دراز علاقوں سے پانی بھر کر گھروں کو لا رہے ہیں، فراہمی آب کی پائپ لائن کا کام بھی ادھورا چھوڑدیا گیا ہے۔ علاقہ مکین پینے کے پانی کے بحران کے خلاف مسلسل احتجاج کررہے ہیں، کوئی بھی نوٹس لینے کو تیار نہیں۔ مظاہرین نے مطالبہ کیا کہ فوری طور پر نیوپنڈ میں پینے کے پانی کی فراہمی کو یقینی بنایا جائے۔
فرمان الہی
نماز کے اوقات
