ٹھٹھہ (نامہ نگار)مختلف واقعات میں دو افراد جاں بحق۔ تفصیلات کے مطابق درگاہ سیتیوں شریف کے قریب واقع گاؤں صابو پلیجو کے رہائشی مزدور لیاقت پلیجو کی بیوی کو گھر کے اندر زہریلے سانپ نے ڈس لیا جسے علاج کے لیے سول اسپتال مکلی لیجایا گیا جہاں ابتدائی طبی امداد کے بعد مزید علاج کے لیے کراچی منتقل کیا جا رہا تھا کہ جسم میں زہر پھیلنے کے باعث راستے میں ہی خاتون کا انتقال ہو گیا۔ خاتون کو بعد ازاں آبائی قبرستان میں سپرد خاک کردیا گیا۔ دریں اثناء کھارو چھان کے قریب چھانی کریک کے مقام پر بحیرہ عرب میں 20 سالہ نوجوان لقمان اوٹھو ڈوب کر جاں بحق ہوگیا، آخری اطلاعات تک متوفی کی لاش کی تلاش جاری تھی۔
فرمان الہی
نماز کے اوقات
