بہاولپور(ڈسٹرکٹ رپورٹر) ون یونٹ کالونی میں گندگی کے ڈھیر، پانی نہ لگانے سے گراونڈ اورپودے تباہ ہوگئے،تفصیل کے مطابق اہلیان کالونی کی جانب سے کمشنر بہاو ل پور اوروزیراعلی پنجاب کودی جانے والی تحریری درخواست میں موقف اختیار کیاگیا کہ محکمہ بلڈنگ کے افسران کی عدم توجہ کے باعث صوبہ پنجاب کی دوسری بڑی سرکاری کالونی میں جگہ جگہ گندگی کے ڈھیرلگ چکے ہیں۔اہلیان کالونی کے مطابق رواں سال میں ون یونٹ ڈویلپمنٹ آرگنائزیشن کی جانب سے کالونی میں شجرکاری کی غرض سے 1500 سایہ دار درختوں کے پودے فراہم کئے گئے مگرمناسب دیکھ بھال اوروقت پرپانی نہ دینے کے باعث تمام کے تمام ضائع ہوگئے، اہلیان کالونی نے وزیراعلی پنجاب کمشنر بہاول پور سے صورتحال کافوری نوٹس لینے کامطالبہ کیا ڈپٹی ڈی او زوارالحق نے موقف دیتے ہوئے کا کہ کالونی میں بیلداراورخاکروب لیبر کی کمی ہے جبکہ قلیوں کی شکل میں فالتوسٹاف ہے جس کے بارے میں ڈی او بلڈنگز کوآگاہ کردیاگیاہے۔
فرمان الہی
نماز کے اوقات
