بہاولپور(سٹی رپورٹر) جنگ گروپ جیو اور موبلنگ جاز کے زیراہتمام لاہور قلندر کے لئے نئے ٹیلنٹ کی تلاش کے لئے بہاولپور ڈرنگ سٹیڈیم میں گزشتہ روز ٹرائلز کاانعقاد کیا۔ جس میں عاقب جاوید اور مدثر نذر نے بیٹسمین، سپن باؤلر، فاسٹ باؤلر ز وغیرہ کے ٹرائلز لئے۔ موبلنگ جاز کی فرنچائز پر گزشتہ کئی روز سے مختلف شہروں سے تعلق رکھنے والے کھلاڑی اپنی رجسٹریشن کروا رہے تھے، اِن ٹرائلز کے لئے 15سے 23سال عمرکی حد رکھی گئی ہے۔ گزشتہ روز بیٹسمین، سپن باؤلر، فاسٹ باؤلرز کے ٹرائلز عاقب جاوید اور مدثرنذر نے لئے۔ پہلے روز ٹرائلز دینے والے کھلاڑیوں کے علاوہ شائقین کرکٹ کی بڑی تعداد ڈرنگ سٹیڈیم بہاولپور گئی، ٹرائلز کے موقع پر کافی گہماگہمی رہی۔ لاہور قلندر کے لئے ٹرائلز آج بھی جاری رہیں گے۔
فرمان الہی
نماز کے اوقات
