خیرپور(بیورورپورٹ) خیرپو ر پولیس نے پنجاب پولیس کے ہمراہ نواحی گاؤں غلام محمد خاصخیلی میں ایک شخص مختار خاصخیلی کے گھر پر چھاپہ مار کر تین بچوں کی ماں مسماۃ عظمیٰ کو بازیاب کر الیا۔ پولیس کے مطابق نارو وال کے نور کوٹ سے مغوی خاتون مسماۃ عظمیٰ کے رشتے دار نے پنجاب پولیس کے ہمراہ خیرپور آکر بتایا کہ مختار خاصخیلی نارو وال کے علاقے نور کوٹ سے مسماۃ عظمیٰ کو اغوا کر کے لے آیا ہے مسماۃ عظمیٰ تین بچوں کی ماں ہے مسماۃ عظمیٰ کا شوہر راشد بھی پنجاب پولیس کے ہمراہ تھا اس کی نشاندہی پر گوٹھ غلام محمد خاصخیلی میں چھاپہ مارکر مسماۃ عظمیٰ کو بازیاب کرالیا گیا۔ چھاپے کے دوران مختیار احمد خاصخیلی نے پولیس کو بتایا کہ انہوں نے مسماۃ عظمٰی کے ساتھ نکاح کر لیا ہے۔ دریں اثناء پولیس کے مطابق مقاملے کی ابتدائی انکوائری شروع کر دی گئی ہے۔ بازیاب کرائی جانے والی خاتون کو مقامی عدالت میں پیش کیا جائے گا بعدازاں عدالت نے جو فیصلہ کیا اس پر عمل درآمد کیا جائے گا۔
فرمان الہی
نماز کے اوقات
