کراچی (اسٹاف رپورٹر) پاکستان کبڈی فیڈریشن نے آئندہ ماہ ویتنام میں ہونے والے ایشین بیچ گیمز کیلئے چھ رکنی قومی کبڈی ٹیم کا اعلان کر دیا ۔ پاکستان کبڈی فیڈریشن کے سیکرٹری محمد سرور کے مطابق ٹیم میں ناصر علی (کپتان) ، اخلاق حسین (نائب کپتان ) ، محمد عمران ، ابرار حسین ، کاشف رزاق اور ارسلان احمد شامل ہیں جبکہ ٹیم آفیشلز میں میجر نبیل رانا، کوچ اور محمد رمضان گھمن منیجر شامل ہیں ۔ ایونٹ میں ایران ، پاکستان، بھارت ، سری لنکا ، کوریا، نیپال، ملائیشیاء، بنگلہ دیش اور ترکمانستان کی ٹیمیں ایکشن میں نظر آئیں گی ۔ محمد سرور کا کہنا تھا کہ اس سے قبل تھائی لینڈ میں ہونے والے ایشین بیچ گیمز میں پاکستان نے چاندی کا تمغہ جیتا تھا ، اس ایونٹ میں بھی بہتر رزلٹ کیلئے پر امید ہیں۔
فرمان الہی
نماز کے اوقات
