راولپنڈی ، اسلام آباد(نمائندگان جنگ) یوم دفاع پاکستان کے سلسلے میں آج(منگل)کو بھی شام پانچ سے رات گیارہ بجے تک موبائل سروس اور میٹرو بس سروس معطل رہے گی۔جبکہ جی ایچ کیو کے اردگرد کے علاقوں میں سکیورٹی ہائی الرٹ ہوگی۔یوم دفاع پاکستان چھ ستمبر کے سلسلے میں عسکری حکام کے کہنے پر ضلعی حکومت نے پانچ اور چھ ستمبر کو پانچ سے گیارہ بجے تک موبائل سروس اور میٹرو بس سروس معطل کے احکامات جاری کئے۔ضلعی ذرائع کے مطابق چھ ستمبر کے سلسلے میں جی ایچ کیو کے اردگرد صفائی کے انتظامات کو بھی مکمل و بہترین کرنے کی ہدایت جاری کی گئیں ہیں۔جس کے تحت کنٹونمنٹ بورڈ کو اللہ والی مسجد کے سامنے سے کوڑا ڈمپنگ کو خالی و صاف رکھنے کی خصوصی ہدایت بھی کی گئی تھی۔اس دوران جی ایچ کیو کا اردگرد کا علاقہ بھی نو فلائی زون رہے گا۔موبائل سروس کے جی ایچ کیو کے اردگرد پانچ سے آٹھ کلو میٹر کا علاقہ متاثر ہوگا۔جبکہوفاقی اسلام آباد اور راولپنڈی میں منگل کو موبائل سروس بند رہی ۔ذرائع کا کہنا ہے کہ یوم دفاع کی تقریبات کے موقع پر امن وامان کی صورتحال کو برقرار رکھنے کےلئے جی ایچ کیو کے 10کلومیٹر کے علاقہ میںموبائل فون سروس بند کی گئی ۔ذرائع کے مطابق موبائل فون سروس صبح 6بجے سے دوپہر ایک بجے تک اور پھر دوپہر 2بجے سے رات 11بجے تک بند رہے گی ۔ جس کے باعث شہریوں کو مشکلات کا سامنا کرنا پڑرہا ہے ۔
فرمان الہی
نماز کے اوقات
