راولپنڈی (ساجد چوہدری اپنے نامہ نگار سے) پارکس اینڈ ہارٹیکلچر اتھارٹی راولپنڈی کے بورڈ آف گورنرز نے پی ایچ اے انتظامیہ کو ہدایت کی ہے کہ ملازمین کے سروس رولز خود تیار کرے ، بورڈ آف گورنرز نے کسی اور ادارے کے سروس رولز کاپی کر کے اجلاس میں پیش کردہ رولز کی منظور نہیں دی بلکہ ہدایت کی ادارہ اپنے سروس رولز خود تیار کرے ، پی ایچ اے ذرائع کے مطابق دو تین روز قبل ہونے والے بورڈ آف گورنرز کے پہلے اجلاس میں پی ایچ اے انتظامیہ نے کسی اور اتھارٹی کے ملازمین کے رولز کی کاپی کر کے اس کی منظوری حاصل کرنا چاہی تو ان کی منظوری دینے کی بجائے پی ایچ اےراولپنڈی حکام کو ہدایت کی کہ ایک ماہ کے اندر پی ایچ اے ملازمین کیلئے سروس رولز ادارہ خود تیار کرے اور آئندہ بورڈ آف گورنرز کی میٹنگ میں منظوری کیلئے انہیں پیش کیا جائے تاکہ پی ایچ اے کے ڈیلی ویجرز ملازمین کو ریگولر کیا جاسکے۔ڈائریکٹر جنرل پی ایچ اے ڈاکٹر ملک عابد محمود سے رابطہ کیا گیا تو انہوں نے اس کی تصدیق کی اور بتایا کہ پی ایچ اے کے ملازمین کے رولز کی تیاری کا عمل عیدالاضحٰی کے بعد شروع کر دیا جائے گا اور جلد ہی سروس رولز پاس کر وا لئے جائیں گے تاکہ ریگولر ہو کر ملازمین زیادہ دلجمعی اور محنت سے کام کرسکیں۔
فرمان الہی
نماز کے اوقات
