گجرات (نمائندہ جنگ) گجرات میں مویشی منڈیوں میں عید کے روز بھی جانوروں کی خریداری کا سلسلہ جاری، شہر اور ضلع بھر کی مویشی منڈیوں میں قربانی کے جانوروں کی خریداری کا سلسلہ عید کے روز بھی جاری ہے، بیوپاریوں نے بتایا کہ جانور ابھی فروخت کیلئے کافی تعداد میں بچ گئے ہیں، اس لیے بچ جانے والے جانوروں کی فروخت کا سلسلہ عید اور اس کے دوسرے روز بھی جاری رکھا جائے گا، ہماری کوشش ہو گی کہ تمام جانوروں کو فروخت کر کے گھروں کو جائیں، دوسری جانب شہریوں کی بڑی تعداد نے مویشی منڈیوں اور بازاروں میں سیکیورٹی پر خدشات ظاہر کئے ہیں، شہریوں کے مطابق پولیس کی جانب سے مویشی منڈیوں اور بازاروں میں سیکیورٹی کے کوئی انتظامات نہیں کئے، جس سے بازاروں اور منڈی مویشیوں میں آنے والے لوگ خوف و ہراس میں مبتلا رہے، پولیس کے مطابق منڈی مویشیوں اور بازاروں میں شہریوں کی حفاظت کیلئے سادہ کپڑوں میں پولیس اہلکار تعینات کئے گئے ہیں۔
فرمان الہی
نماز کے اوقات
