حیدرآباد ( بیورو رپورٹ) سانگھڑ میں جھول روڈ پر کوچ اوروین کے درمیان تصادم کے نتیجے میں ہلاک ہونے والے 3افراد کی لاشیں اور10زخمیوں کو سول اسپتال لایاگیا۔تفصیلات کے مطابق سانگھڑ کے شہر جھول سے سجاول جانے والی کوچ اوروین کے درمیان سانگھڑ جھول روڈ پرتصادم میں ہلاک 32سالہ نسرین‘ 2سالہ گل زہرہ اور 40سالہ سومار کی لاشیں سول اسپتال لائی گئی تھیں جبکہ حادثے میں 10زخمیوں زہرہ‘ رمضان‘ امام بخش‘ انورعلی‘ مسماة حوا‘ نسیم اورمنظور سمیت دیگر کو طبی امداد کے لئے سول اسپتال حیدرآبادلاکر داخل کرایاگیاہے۔ بعدازاں حادثے میں جاں بحق افرادکی لاشیں ورثا کے حوالے کردی گئیں۔ ہلاک وزخمی ہونے والوں کاتعلق ٹنڈوآدم، سجاول اورجاتی سے بتایاجاتاہے۔
فرمان الہی
نماز کے اوقات
