سکھر(بیورو رپورٹ)سکھر میں عید الاضحی کے موقع پر ایس ایس پی امجد احمد شیخ کی جانب سے پولیس کے شہید افسران اور جوانوں کے اہلخانہ کے اعزاز میں پولیس لائن میں تقریب ہو ئی۔، تقریب میں ڈی آئی جی سکھر رینج کیپٹن (ر) فیروز شاہ سمیت دیگر پولیس افسران نے شرکت کی۔ تقریب میں سکھر ضلع میں پیشہ وارانہ فرائض کے دوران جان شہادت نوش کرنے والے 35افسران اور جوانوں کے اہلخانہ کو مدعو کیا گیا تھا، شہداء کے ورثاءنے کہا کہ ہمیں عید کی خوشیوں میں شامل کر کے جو عزت افزائی کی گئی ہے اس سے ہمارے بچوں کے حوصلے بھی بلند ہوئے ہیں۔ 35شہید پولیس افسران اور جوانوں کے خاندانوں میں 10ہزار روپے فی خاندان اور عید کے تحائف ان کے گھروں تک پہنچائے گئے۔ اس موقع پر خطاب کرتے ہوئے ڈی آئی جی سکھر رینج کیپٹن (ر) فیروز شاہ نے کہا کہ جن پولیس افسران اور جوانوں نے اپنے فرائض کی ادائیگی کے دوران جام شہادت نوش کیا ان پر نہ صرف پولیس بلکہ پوری قوم کو فخر ہے، آج عید الاضحی کے موقع پر نماز عید کے بعد شہداء کے ورثاء کے لئے جو تقریب منعقد کی گئی ہے اس کا مقصد شہداء کے ورثاء کو عید کی خوشیوں میں شامل کرنا ہے، کیونکہ شہداء کے ورثاء ہمارا خاندان ہیں اور ہم ایک خاندان کے مانند آج عید کی خوشیاں ایک دوسرے میں تقسیم کررہے ہیں۔
فرمان الہی
نماز کے اوقات
