کراچی (اسٹاف رپورٹر) بلدیہ جنوبی کے چیئر مین ملک فیاض نے کہا ہے کہ آرام باغ کورٹ کی تزئین و آرائش جلد شروع کرادی جائیگی۔ ان خیالات کا اظہار انہوں نے کراچی باسکٹ بال ایسوسی ایشن کی جانب سے اپنے اعزاز میں دیئے گئے استقبالیہ سے خطاب کرتے ہوئے کیا جس میں انہیں ایسوسی ایشن کی جانب سے کھیلوں کے خدمات پر قائد اعظم گولڈ میڈل دیا گیا ۔ اس موقع پر تاجر رہنماء ایاز میمن موتی والا نے فیاض اعوان کو تاجر برادری کی جانب سے ہر ممکن تعاون کا یقین دلا یا تقریب سے کراچی باسکٹ بال ایسوسی ایشن کے صدر حاجی غلام محمد خان، سندھ اولمپکس ایسوسی ایشن کے سیکریٹری احمد علی راجپوت، سندھ باسکٹ بال ایسوسی ایشن کے سیکریٹری عبدالناصر خان ، ڈائریکٹر سندھ اسپورٹس بورڈ شہزاد پرویز بھٹی، آصف عظیم و دیگر نے بھی خطاب کیا۔
فرمان الہی
نماز کے اوقات
