خضدار(نمائندہ جنگ) تحصیل نال کے علاقے سحر کرودی گریشہ میں نامعلوم افراد کی فائرنگ سے دو افراد جاں بحق ہو گئےلیویز ذرائع کے مطابق سب تحصیل گریشہ میں واقع سحرکرودی کے علاقے میں نا معلوم مسلح افراد نے فائرنگ کرکے جمعہ خان ولد رحمت اللہ ساکن سحر کرودی گریشہ اور محمد خان ولد محمد اسماعیل قوم ساجدی ساکن رونجان تحصیل مشکے کو ہلاک کردیا اور فرار ہونے میں کامیاب ہوگئے نال لیویز انتظامیہ نے اطلاع ملتے ہی جائے وقوعہ پر پہنچ کر لاشوں کو نال منتقل کیا جہاں ضروری کارروائی کے میتیں ورثاء کے حوالے کر دی گئیں ، لیویز واقع سے متعلق مزید تحقیقات کر رہی ہے ضلعی انتظامیہ کے مطابق مقامی لیویز انتظامیہ کو واقع میں ملوث ملزمان کی گرفتاری کے لیئے سختی سے تاکید کی گئی ہے اور علاقے کو گھیرے میں لیا گیا ہے۔
فرمان الہی
نماز کے اوقات
