پشاور (نمائندہ جنگ) خیبر پختونخوا اسکواش ایسوسی ایشن کے زیر اہتمام قومی جونیئر ایج گروپ رینکنگ اسکواش چیمپئن شپ پی اے ایف ہاشم خان اسکواش کمپلیکس میں شروع ہوگئی۔ افتتاحی میچ میں معاویہ حسین نے طارق کو تین ایک سے ہرایا۔ب وائز انڈر13 ، انڈر15 اورگرلز انڈر15 کیٹگری میں شرکت کررہی ہیں ۔ بوائز انڈر13 میں اسد اﷲ نمبر ون سیڈ ، نور زمان نمبر دو سیڈ، حماد اور آفاق تیسرے اور چوتھے سیڈ ہیں۔ انڈر15 کیٹگری میں حال ہی میں ملائیشیا سے جیتے والے کھلاڑی عزیر شوکت ٹاپ سیڈ ہیں جبکہ رشید دولت احمد حسن اور حمزہ شریف دوسرے اور تیسرے کھلاڑی ہیں ، گرلز انڈر15 کیٹگری میں لائبہ اعجاز ٹاپ سیڈ ہیں جبکہ کائنات نمرہ اکرام اور نائمہ خالد دوسرے اور تیسرے نمبر پر ہیں ، تینوں کیٹگریز میں ٹاپ 16 کھلاڑی شرکت کررہے ہیں چیمپئن شپ کا فائنل جمعرات کو کھیلا جائیگا۔ افتتاحی میچ میں طارق نے پہلے سیٹ میں نو گیارہ سے کامیابی حاصل کی باقی تینوں سیٹ میں معاویہ نے گیارہ دس ، گیارہ آٹھ اور گیارہ نو سے کامیابی حاصل کی ۔اس موقع پر نائب صدر پاکستان اسکواش فیڈریشن قمرزمان نے کہا کہ جونیئر مقابلوں پر زیادہ توجہ دی جارہی ہے۔
فرمان الہی
نماز کے اوقات
