کراچی (اسٹاف رپورٹر) ریڈ فوم بال ٹینس ٹورنامنٹ 21 ستمبر سے بیک وقت اسلام آباد اور کراچی میں شروع ہوگا جبکہ 22 ستمبر سے یہ ٹورنامنٹ لاہور میں شروع ہوگا۔ پاکستان ٹینس فیڈریشن اور سندھ ٹینس ایسو سی ایشن کے زیراہتمام پہلا ریڈ فور ٹینس ٹورنامنٹ اسلام آباد کے دلاور عباس پی ٹی ایف ٹینس کمپلکس میں گرلز اور بوائز کے مقابلے ہوں گے جبکہ کراچی میں خاتون پاکستان گرلز اسکول میں گرلز مقابلے ہوں گے۔ لاہور میں پنجاب ٹینس ایسوسی ایشن کے زیراہتمام ٹورنامنٹ 22 ستمبر سے شروع ہوگا۔ فہیم صدیقی ٹورنامنٹ کے آرگنائزنگ سیکرٹری اور رشید ملک ٹورنامنٹ ڈائریکٹر ہوں گے۔ اس موقع پر آئی ٹی ایف ایشیا ڈویلپمنٹ آفیسر سریش مینن ٹورنامنٹ کے حوالے سے تفصیلات سے آگاہ کیا جائے گا۔ بعدازاں صدر پاکستان ٹینس فیڈریشن سلیم سیف اللہ سے سریش مینن ملاقات کریں گے۔ پاکستان ٹینس فیڈریشن کے سیکرٹری خالد رحمانی اور پی ٹی ایف جے ٹی آئی کنٹری کوآرڈی نیٹر کامران خلیل بھی ان کے ہمراہ ہوں گے۔
فرمان الہی
نماز کے اوقات
