کراچی (اسٹاف رپورٹر) چیف آف آرمی اسٹاف انٹرنیشنل اسکواش چیمپئن شپ 27 ستمبر سے2 اکتوبر تک مصحف علی میر اسکواش کمپلیکس اسلام آباد میں کھیلا جائے گا۔ چیمپئن شپ کی انعقاد کیلئے تمام انتظامات مکمل کرلئے گئے ہیں۔ ایونٹ میں شرکت کیلئے غیرملکی کھلاڑیوں کی آمد کا سلسلہ25 ستمبر سے شروع ہوگا۔ مصر کے عمر عبدالمغید انٹرنیشنل اسکواش ٹورنامنٹ میں ٹاپ سیڈ ہوں گے۔ ایونٹ کے مین رائونڈ میں 12 کھلاڑیوں کو رکھا گیا ہے جس میں 7غیر ملکی اور 5 پاکستانی کھلاڑی شامل ہوں گے۔ پاکستان اسکواش فیڈریشن کے مطابق انٹرنیشنل اسکواش کی جانب سے ملنے والے چار ایونٹس کا اگلا چیف آف نیول اسٹاف انٹرنیشنل اسکواش ٹورنامنٹ 14سے 22اکتوبر تک، چیف آف ایئر اسٹاف انٹرنیشنل اسکواش ٹورنامنٹ 14سے 22نومبر تک اسلام آباد اور چوتھے اور آخری انٹرنیشنل ایونٹ کیلئے شیڈول کا اعلان بعد میں کیا جائے گا۔
فرمان الہی
نماز کے اوقات
