راولپنڈی (سٹاف رپورٹر)راولپنڈی پولیس نے محرم الحرام کی آمد کے پیش نظر سکیورٹی بڑھانے اور جرائم پر قابو پانے کیلئے راولپنڈی شہر میں 8نئی پولیس پکٹس قائم کر دیں ۔ بڑے پیمانے پر سر چ آپریشنز کا بھی آغا ز کر دیا گیا ہے ۔ نئی پولیس پکٹس میں پکٹ فاروق کارپوریشن علاقہ تھانہ صادق آباد ، پکٹ بالمقابل نواز شریف پارک علاقہ تھانہ صادق آباد ، پکٹ بالمقابل آریانہ ہوٹل علاقہ تھانہ سٹی ، پکٹ نزد اصغر مال چوک جانب فیض آباد علاقہ تھانہ بنی ، پکٹ چاندنی چوک علاقہ تھانہ بنی ، پکٹ رحمن آباد علاقہ تھانہ نیوٹائون ، پکٹ اوور ہیڈ برج پشاور روڈ تھانہ نصیر آباد اور پکٹ رافع مال پشاور روڈ علاقہ تھانہ ویسٹریج شامل ہیں ۔سی پی اواسراراحمدخان عباسی نے بتایاکہ ان تمام ناکہ بندی پوائنٹس کو محرم الحرام کی آمد کے پیش نظر سکیورٹی بڑھانے اور جرائم پر قابو پانے کیلئے قائم کیا گیاہے۔ پکٹ پر موجود ملازمین مشکوک افراد اور گاڑیوں کی چیکنگ کریں گے ۔
فرمان الہی
نماز کے اوقات
