چارسدہ (نمائندہ جنگ) چارسدہ میں سیکورٹی فورسسز نے کارروائی کرتے ہوئے شدت پسند وں کے 8سہولت کاروں کو گرفتار کرلیا ۔ گرفتارہونے والوں میں ماں بیٹی سمیت تین خواتین اور تین چچا زاد بھائی بھی شامل ہیں۔ ملزموں کو تفتیش کیلئے نامعلوم مقام پر منتقل کردیا گیا ۔تھانہ سرو کی حدود میں سیکورٹی فورسسز نے کارروائی کر تے ہوئے تین خواتین سمیت پانچ افراد کو گرفتا ر کر کے تفتیش کیلئے نامعلوم مقام پر منتقل کیا ہے ۔ سیکورٹی ذرائع کے مطابق گرفتار ہونے والے افراد دہشت گردوں کے سہولت کار تھے ۔ گرفتار ہونے والوں میں نسیمہ زوجہ نذیر ،اس کی بیٹی ثانیہ، نور جہان بیگم ، سر مد او ر کامل شامل ہیں۔ دوسری طرف مندنی میں بھی سیکورٹی فورسسز نے کاروائی کر تے ہوئے تین مبینہ شدت پسند وں کو گرفتار کرکے نامعلوم مقام پر منتقل کیا ہے ۔ گرفتار ہونے والے تینوں مبینہ شدت پسند امداد اللہ ، ہاشم خان اور محمد نبی آپس میں چچا زاد بھائی ہیں۔
فرمان الہی
نماز کے اوقات
