راولپنڈی (سٹاف رپورٹر)نیشنل ہائی ویز اینڈ موٹروے پولیس نے موٹروے (ایم ون) پر صوابی کے قریب کارروائی کرتے ہوئے ایک کار میں سے بھاری تعداد میں جدید ترین اسلحہ برآمدکرلیا ۔ ترجمان موٹروے پولیس کے مطابق موٹروے پولیس کو ہیلپ لائن (130) پر اطلاع ملی کہ ایک کارٹائر برسٹ ہونے کی وجہ سے ورج میں الٹ گئی ہے ۔ موٹروے پولیس کے افسران وہاں پہنچے توگاڑی کے پاس کوئی بھی موجود نہ تھا ۔ مشکوک جان کر کار کو چیک کیا گیا تو اندر سے 14, 12بور گن ، 3 ایس ایم جی ،ایک سب مشین گن ، 11 پسٹل،4, 9ایم ایم پسٹل، ایک ریپیٹر ، ایک گن ، ہزاروں گولیاں برآمد ہوئیں ۔ گاڑی کی رجسٹریشن بک گاڑی کے اندر سے ملی ۔جس کے مطابق گاڑی سجاد احمد سکنہ پشاور کے نام پر ہے۔ بعدازاں موٹروے پولیس نے برآمد شدہ اسلحہ ، گولیاں اور گاڑی کو برائے مزید قانونی کارروائی کے لئے تھانہ حضرو کے حوالے کر دیا۔
فرمان الہی
نماز کے اوقات
