گوجرانوالہ(نمائندہ جنگ ) اینٹی نارکوٹکس کے اہلکار کو شہید کرنےوالے منشیات کے 2سمگلرعدالت پیشی کے بعد پولیس ملازمین کو نشہ آور جوس پلاکر ہتھکڑیوں سمیت فرار ہوگئے ، پولیس ملازمین کو بےہوشی کی حالت میں ہسپتال بجھوادیا گیا جہاں ان کو طبی امداد کے بعد حراست میں لے لیا گیا ، جنوری میں درہ آدم خیل سے بھاری مقدار میں چرس لے کر آنے والے2بڑے سمگلروں منور حسین شاہ اور عادل جان کو تھانہ صدر کے علاقے پنڈی بھٹیاں کے قریب انٹی نارکوٹیکس فور س نے ناکے پر روکا تو ملزمان نے فائرنگ شروع کردی جس سے اینٹی نارکوٹیکس فورس کا ایک اہلکا رشہید ہوگیا ،پولیس ملزمان کو حافظ آباد سے گاڑی پر انسداد دہشت گردی گوجرانوالہ کی خصوصی عدالت نمبر2میں پیشی کیلئےلائی ضلع کچہری میں پیشی کے بعد ملزمان کو واپس لے جانے لگے،پولیس ملازمین نے ملزمان کے ایک عزیزسے جوس پیئے جس سے اے ایس آئی نوازش علی ، کانسٹیبل شبیر ، کانسٹیبل شعیب ، ڈرائیورمحمد انصربےہوش ہوگئے اور دونوں ملزمان فرارہوگئے۔
فرمان الہی
نماز کے اوقات
