اسلام آباد (نمائندہ جنگ) مصدقہ ذرائع سے معلوم ہوا ہے کہ حکومت کی اتحادی جماعت کے سربراہ مولانا فضل الرحمان سے ملاقات کےدوران بلاول بھٹو نے آصف علی زرداری کا ایک پیغام بھی پہنچایا، گو کہ فریقین نے 30 اکتوبر کو عمران خان کی جانب سے 30 اکتوبر کو اسلام آباد بند کرنے کے پروگرام کو غیر موثر کرنے کے حوالے سے بھی بعض تجاویز پر تبادلہ خیال کیا۔ مولانا فضل الرحمان نے بلاول بھٹو اور ان کے وفد کا انتہائی پرجوش انداز میں استقبال کیا اور بلاول بھٹو کو الوداع کرتے ہوئے شفقت سے ان کے چہرے پر بوسہ بھی دیا۔ جبکہ بلاول بھٹو نے بھی گرمجوشی سے معانقہ کیا۔ میڈیا سے گفتگو کے دوران ایک موقع پرجب ان سے یہ سوال کیا گیا کہ حکومت کی اتحادی جماعت کے سربراہ سے ملاقات کا اصل مقصد کیا ہے تو بلاول بھٹو نے مسکراتے ہوئے مولانا فضل الرحمان سے کہا۔ مولانا صاحب دیکھئے یہ مجھ سے کیسے سوال کررہے ہیں۔ پھر خود ہی جواب دیتے ہوئے کہا کہ آپ میڈیا والے بھی کمال کے لوگ ہوتے ہیں میں جب بہت چھوٹے سائز کا تھا اس وقت بھی ان سے ملنے کیلئے آتا تھا۔
فرمان الہی
نماز کے اوقات
