سکھر (بیورو رپورٹ)میئر سکھر بیرسٹر ارسلان اسلام شیخ نے ایس ایس پی سکھر امجد احمد شیخ کے ہمراہ شہر کے مختلف علاقوں اور امام بارگاہوں اور ماتمی جلوسوں کی گزر گاہوں کا دورہ کیااور سیکیورٹی کے انتظامات کا جائزہ لیا، میئر سکھر نے سیکیورٹی کے ساتھ ساتھ شہر میں صفائی ستھرائی کے انتظامات کے حوالے سے بھی مختلف علاقوں کا دورہ کیا، میئر سکھر بیرسٹر ارسلان اسلام شیخ نے میڈیا سے بات چیت کرتے ہوئے کہا کہ محرم الحرام کے دوران امن وامان کی فضا کو مکمل طور پربحال رکھنے اور شہر کے تمام علاقوں میں صفائی کے نظام کی بہتری کے لئے ہرممکن اقدامات کئے گئے ہیں، محکمہ نساسک کو واضح طور پر ہدایات دی گئی ہیں کہ محرم الحرام کے دوران صفائی کے نظام کو مکمل طور پر بحال رکھا جائے، ماتمی جلوسوں کی گزرگاہوں پر ہنگامی بنیادوں پر صفائی کے نظام کو بحال کیا جائے اس حوالے سے کسی قسم کی غفلت برداشت نہیں کی جائے گی۔
فرمان الہی
نماز کے اوقات
