کراچی(اسٹاف رپورٹر) پاکستان اسکواش فیڈریشن کے زیراہتمام چیف آف نیول سٹاف انٹر نیشنل اسکواش ٹورنامنٹ ہفتے سے مصحف علی ا سکواش کمپلیکس اسلام آباد میں شروع ہوگا اور غیرملکی کھلاڑیوں کی آمد جمعے سے شروع ہوگی۔ پاکستان اسکواش فیڈریشن کے ترجمان سکندر میو کے مطابق ٹورنامنٹ 48 کھلاڑی شرکت کر رہے ہیں جن میں 10ممالک کے16 غیر ملکی کھلاڑی بھی شامل ہیں ، مصر کے عمر عبدالمغید ٹاپ سیڈڈ ہونگے۔ ٹورنامنٹ 22 اکتوبر تک جاری رہے گا۔ ٹورمنٹ کے پری کوالیفائنگ راؤنڈ کے مقابلے ہفتے کوکھیلے جائیں گے، 16اکتوبر کو ریسٹ دے ہوگا، 17-18 اکتوبر کو کوالیفائنگ راؤنڈ کھیلا جائے گا جبکہ مین راؤنڈ کے مقابلے 19 سے 22 اکتوبر تک کھیلے جائیں گے، فائنل مقابلہ 22 اکتوبر کو کھیلا جائے گا۔
فرمان الہی
نماز کے اوقات
