بلاول بھٹو کی قیادت میں سلام شہداء ریلی میں اپوزیشن لیڈرا خورشید شاہ نے کہا کہ جو کہتے ہیں کہ بچہ شیر کا شکار کیسے کرے گا، وہ ہاتھ ملا کر طاقت کا اندازہ کرلیں۔
سلام شہداء ریلی سے شرکاء سے خطاب کرتے ہوئے اپوزیشن لیڈر خورشید شاہ کا کہنا تھا کہ ذوالفقار علی بھٹو نے جو مشن شروع کیا، بینظیر نے اسے آگے بڑھایا اور اب بلاول اسے لے کر آگے چل رہے ہیں۔ انہوں نے کہاکہ شیر اور بلے سے ڈرتے نہیں ہیں۔
اپوزیشن لیڈر کا کہنا تھا کہ 2013 میں ہمیں جان سے مار دینے کی دھمکیاں دی گئیں ،لیکن ہم جان پر کھیل کر سیاست کرنا جانتے ہیں۔
مولا بخش چانڈیو، اسپیکر آغا سراج درانی سمیت دیگر رہنماؤں کا کہنا تھا کہ یہ ایک تاریخ ساز ریلی ہوگی، جس سے مخالفین کو پیپلز پارٹی کی سیاسی طاقت کا اندازہ ہوجائے گا۔
فرمان الہی
نماز کے اوقات
