ویانا (یوز ایجنسیز)اسٹار پاکستانی پلیئر اعصام الحق قریشی ویانا اوپن ٹینس ٹورنامنٹ مینز ڈبلز پہلے رائونڈ میں شکست کے بعد ٹائٹل کی دوڑ سے باہر ہو گئے۔ اسٹیو جانسن اور فلپ نے اعصام الحق اور گونزالیز کو سخت مقابلے کے بعد شکست دی۔ آسٹریا میں جاری ایونٹ میں کھیلے گئے مینز ڈبلز پہلے رائونڈ میں امریکی پلیئر اسٹیوجانسن اور ان کے جرمن جوڑی دار فلپ نے اعصام الحق اور ان کے میکسیکن جوڑی دار سنتیاگو گونزالیز کو زبردست مقابلے کے بعد 6-7، 6-2اور 12-10سے ہرا کر ایونٹ سے باہر کر دیا۔ دریں اثنا جائلز سمنز، جان اسنر، ڈومینک تھیم اور وکٹر ٹرائیکی ویانا اوپن ٹینس ٹورنامنٹ مینز سنگلز پری کوارٹرفائنل میں پہنچ گئے۔سنگلز ایونٹ کے پہلے رائونڈ میں فرانس کے جائلز سمنز نے سپین کے گارسیا لوپز کو ہرا کر پری کوارٹرفائنل میں جگہ بنائی۔ امریکہ کے جان اسنرنے جرمنی کے جان لینرڈ سٹرف کو ہرا کر ایونٹ سے باہر کر دیا، ڈومینک تھیم نے گیرالڈ ملزر کو ہرا کر پری کوارٹرفائنل تک رسائی حاصل کی جبکہ وکٹر ٹرائیکی نے جنوبی افریقہ کے کیون اینڈرسن کو ہرا کر پری کوارٹرفائنل کیلئے کوالیفائی کیا۔
فرمان الہی
نماز کے اوقات
