ہندو برادری سے اظہار یکجہتی کے لیے پاکستان پیپلزپارٹی کی جانب سے گھوٹکی کے رہڑکی دربار گرائونڈ میں دیوالی کا تہوار منایا جائے گا جس میں چیئرمین پیپلزپارٹی بلاو ل بھٹو زرداری بھی شرکت کریں گے اور بعد میں ایک جلسے سے خطاب کریں گے ۔
ذرائع کا بتانا ہے کہ تہوار میں سندھ ، بلوچستان سے ہندوبرادری سمیت لوگوں کی بڑی تعداد کو شرکت کی دعوت دی گئی ہے ۔
گھوٹکی کے رہڑکی دربار گرائونڈ کی جلسہ گاہ میں لوگو ں کے بیٹھنے کے لیے چالیس ہزار کرسیاں لگائی گئیں ہیں اور چالیس فٹ چوڑا اسٹیج بنایا گیا ہے ۔
اس سے قبل جمعرات کو بلاول بھٹو زرداری نے رحیم یار خان کے علاقے جمال الدین والی میں یو سی چیئرمینوں سے خطاب کیا ۔
ان کا کہنا تھا کہ نواز شریف نے پیپلزپارٹی کے چار مطالبات نہیں مانے تو انہیں بتائیں گے کہ دھرنا کیا ہوتا ہے ۔
چیئرمین پیپلز پارٹی کا کہنا تھا کہ عمران خان نے ہار مان لی ہے مگر پیپلز پارٹی اپنے مطالبات پر قائم ہے۔بلاول بھٹو کا کہنا تھا کہ پانامالیکس ایک ٹیسٹ کیس ہے، انہیں امید ہے کہ احتساب ہوگا ۔
فرمان الہی
نماز کے اوقات
