برمنگھم (ابرار مغل) شہید جمہوریت بے نظیر بھٹو نے نظریات اور شہید والد کے نقش قدم پر چلتے ہوئے اپنی جان قربان کرکے ثابت کردیا تھا کہ پی پی پی ہی پاکستان کے تحفظ، استحکام اور دفاع کے لیے کردار ادا کرسکتی ہے۔ شہید رانی کی سالانہ برسی برطانیہ بھر میں انتہائی عقیدت و احترام سے منائی جائے گی۔ ان خیالات کا اظہار پی پی پی برطانیہ کے مختلف رہنمائوں الحاج محمد بشیر آرائیں، چوہدری منظور گافا، لالہ چوہدری اقبال رٹوی، چوہدری محمد حنیف، راجہ خالد، نائب مغل، سید علی اصغر اور دیگر نے نظریاتی رہنما پی پی پی برطانیہ سید صغیر حسین شاہ کاظمی کی رہائش گاہ پر پارٹی کے ایک اجلاس سے خطاب کرتے ہوئے کیا۔ اجلاس میں فیصلہ کیا گیا کہ پارٹی کی شہید قائد بے نظیر بھٹو کی سالانہ برسی برطانیہ کے تمام شہروں کی طرح برمنگھم میں مرکزی سطح پر منائی جائے گی۔ تقریب کے مہمان خصوصی چیئرمین پی پی پی ایڈہاک کمیٹی سید حسن بخاری ہوں گے۔ ان رہنمائوں نے مزید کہا کہ پی پی پی شہدا اور غازیوں کی جماعت ہے جس نے ہمیشہ پاکستان کے استحکام اور متوسط طبقہ کے حقوق کے لیے جدوجہد کی ہے اور اب یہ شہدا کا سلسلہ جانشین بلاول زرداری بھٹو جاری رکھیں گے۔
فرمان الہی
نماز کے اوقات
