کراچی (اسٹاف رپورٹر) ریس کورس میں اتوار کو پانچ گھڑ دوڑ کا انعقاد کیا گیا جس میں چوتھی دوڑ میں شاہ مرادن شاہ میموریل کپ کا مقابلہ ہوا اس ریس میں دس گھوڑوں کے درمیان رسہ کشی ہوئی جس میں سینئر سوار ذکی ذاکر نے سیلبریٹی پر فتح اپنے نام کی جس کے اختتام پر مہمان خصوصی اسماعیل شاہ نے انعامات تقسیم کئے اس موقع پرڈاکٹر کریم، عرفان مہدی بھی موجود تھے، اتوار کا دن تجربہ کار سوار محمد عیسیٰ کے نام رہا انہوں نے تین دوڑ کیں جیت کے ساتھ کامیابی کی ہیٹ ٹرک بنائی، انہوں نے پہلی ریس میں شیر خان، دوسری میں سونیا اگین اور پانچویں اور آخری ریس میں کوئیکن اوے پر فتح حاصل کی،تیسری ریس میں ڈونٹ ٹچ می پر سہیل احمد فاتح رہے، ریسوں کے معیار میں بہتری دیکھنے میں آنے کی وجہ سے کسی بھی سوار کو تنبیہ اور جرمانہ نہیں کیا گیا۔
فرمان الہی
نماز کے اوقات
