کراچی(اسٹاف رپورٹر) پاکستان ہاکی فیڈریشن نے نئے گول کیپرز کی تلاش کے لئے سابق قومی ہاکی کپتان گول کیپر منصور احمد کو ذمے داری سونپ دی ہے جس ک ے تحت وہ ملک بھر میں نئے گول کیپرز کو گروم کریں گے، پاکستان ہاکی فیڈریشن کے موجودہ عہدے داروں نے ماضی کے حکام کی جانب سے اس شعبے کو نظر انداز کئے جانے کے بعد 15سال کے طویل عرصے بعد اس شعبے پر خصوصی توجہ دی ہے، جبکہ گول کیپرز کے لئے اکیڈمیز بھی بنانے کا فیصلہ کیا جس میں نئے گول کیپرز کو تیار کیا جائے گا، کراچی میں نئے گول کیپرز کے لئے دو ہفتے کا کیمپ لگایا جائے گا جس میں صوبے بھر سے اوپن میرٹ اور ٹرائلز سے نئے گول کیپرز کا انتخاب کیا جائے گا اس سلسلے میں دوروزہ ٹرائلز 28 اور 29 نومبر کو ایدھی اسٹیڈیم میں ٹرائلز ہونگے جبکہ کیمپ کا آ غاز 30نومبر سے ہوگا۔
فرمان الہی
نماز کے اوقات
