لاہور (نمائندہ جنگ) باغ جناح ٹینس کورٹس پر قومی جونیئر ٹینس چیمپئن شپ آج سے شروع ہو گی۔ پنجاب لان ٹینس ایسوسی ایشن کے سیکرٹری رشید ملک کے مطابق جونیئر چیمپئن شپ کے بعد پاکستان اوپن بھی لاہورمیں منعقد ہو گی ۔اس سال ٹینس کے بھرپور ایونٹس مقرر کروائیں گے۔ چیمپئن شپ میں پاکستان بھر سے 150 کے قریب کھلاڑی شرکت کر رہے ہیں۔ چیمپئن شپ میں انڈر 18 کیٹگری میں 48 کھلاڑی، انڈر 14 میں 30 کھلاڑی، انڈر 12 میں 24، انڈر 10 میں 12 ، ڈبلز میں 32 بوائز کھلاڑی جبکہ چیمپئن شپ میں 16 لڑکیاں بھی کھیل رہی ہیں۔ رشید ملک کا مزید کہنا تھا کہ ہماری کوشش ہے کہ جونیئر ٹیلنٹ کو پرموٹ کریں تاکہ انہی کھلاڑیوں میں سے اچھے کھلاڑی پاکستان کا نام روشن کر سکیں۔
فرمان الہی
نماز کے اوقات
