بہاولپور(سٹی رپورٹر) بہاول پور ویسٹ مینجمنٹ کمپنی کے زیر اہتمام”زیرو ویسٹ سٹی مہم“ کا آغاز کر دیا گیا ہے،مہم کا افتتاح چیئرمین بی ڈبلیو ایم سی سمیع اللہ چوہدری نے کیا،اس موقع پر منیجنگ ڈائریکٹر محمد نعیم اختر، کمپنی سیکرٹری اعظم خان کانجو، منیجر آپریشن محمد امتیاز اللہ، کمپنی افسران اور سینٹری ورکرز کی بڑی تعداد موجود تھی، چیئرمین سمیع اللہ چوہدری نے یونین کونسل نمبر16میں جھاڑ و لگا کرباقاعدہ طور پر مہم کا آغاز کیا،علاوہ ازیں لوگوں میں صفائی ستھرائی سے متعلق شعور وآگاہی کے لئے چیئر مین سمیع اللہ چوہدری کی سربراہی میں سرائیکی چوک تا فتح چوک تک واک کا اہتمام بھی کیا گیا،واک کے دوران پمفلٹس تقسیم کئے گئے ،اس موقع پر چیئر مین بی ڈبلیو ایم سی سمیع اللہ چوہدری نے شہریوں سے درخواست کی کہ اپنے رہائشی علاقوں کو صاف رکھیں اور صفائی ستھرائی کو اپنی زندگیوں کا جزو لازم بنائیں۔
فرمان الہی
نماز کے اوقات
