پشاور( خصوصی نامہ نگار) 24ویں ڈسٹرکٹ چارسدہ بیڈمنٹن چیمپئن شپ 14 دسمبر سے شروع ہوگی جس میں ضلع بھر سے مرد وخواتین کھلاڑی شرکت کریں گے ۔آرگنائزنگ سیکرٹری بیڈمنٹن کےقومی کوچ تحسین اﷲ خان نے ڈسٹرکٹ سپورٹس آفیسر چارسدہ جمشید بلوچ اور ایسوسی ایشن کے صدرملک الطاف حسین کے ہمراہ پریس کانفرنس سے خطاب کرتے ہوئے کہا کہ چیمپئن شپ مرد وخواتین سنگلز ، ڈبلز اور ویٹرنز مقابلے ایونٹس شامل ہوں گے، چیمپئن شپ کا باضابطہ افتتاح ڈپٹی کمشنر چارسدہ طاہر ظفر عباسی کریں گے۔ انہوں نے کہا کہ چیمپئن شپ کے فوراً بعد صوبائی بیڈمنٹن ایسوسی ایشن کے تعاون سے خیبرپختونخوا بیڈمنٹن مقابلے بھی چارسدہ میںکرائے جائیں گے، کھیلوں کے فروغ کے لئے ڈی سی اور ڈسٹرکٹ سپورٹس آفیسر کوششیں قابل ستائش ہیں ۔ انہوں نے ڈسٹرکٹ چارسدہ بیڈمنٹن ایسوسی ایشن کی طرف سے صوبائی کابینہ پر مکمل عتماد کا اظہار کرتے ہوئے خیبرپختونخوا بیڈمنٹن ایسوسی ایشن کے نومنتخب چیئر مین عمران شاہد ، صدر ظفر علی خان ، سیکرٹری حاجی امجد ، سینئر نائب صدر الٰہی بخش ،نائب صدور محمد زمان ،شاہ حسین،اسماعیل، عبدالمالک،عبدالسلام، انجینئر امان اور سلطان سمیت کابینہ کو مبارکباد دی اور امید ظاہر کی کہ نئی کابینہ بیڈمنٹن کے فروغ کے لئے ہر ممکن اقدامات اٹھائے گی۔
فرمان الہی
نماز کے اوقات
