کراچی ( اسٹاف رپورٹر) کراچی باسکٹ بال ایسوسی ایشن کا جلاس جمعے کومقامی ہوٹل میں ایسوسی ایشن کے صدر غلام محمدخان کی قیادت میں منعقد ہوا جس میں ایسوسی ایشن کے چیرمین امجد علی خان سندھ کے سیکریٹری عبدالناصر کے علاوہ عابد افتخار ملھی ، محمدیعقوب ، طارق حسین ، ممتاز احمد، عظمت اللہ خان اور دیگر عہدے داران نے شر کت کی اجلاس کے بعد ایسوسی ایشن کے سیکریٹری طارق حسین نےبتایا کہ ایسوسی ایشن دسمبر سےفروری تک مردوں کا تین خواتین کا ایک ٹورنامنٹس آرگنائزکرے گی جس کاآغاز 25 دسمبر سے قائد اعظم گولڈ کپ سے ہوگا 5 فروری سے ذوالفقار علی بھٹو گولڈکپ 8 جنوری سے انٹرکالجیٹ بوائز ٹورنامنٹ اور 15 جنوری سے عیٰسی لیب گرلز ٹورنامنٹ منعقد ہوگا طارق حسین نے بتایا کہ ایسوسی ایشن نے ریفریز کے معاوضے میں اضافہ کا فیصلہ کیا جس کا اطلاق قائد اعظم گولڈکپ سے ہوگا ایسوسی ایشن نے پشاور میں منعقد ہونے والی جونیئر چیمپین شپ کے ٹرائیلز کے لئے سابق کھلاڑی محمدیعقوب کی سربراہی میں ایک سلیکشن کمیٹی بنائی ہے جس میں غلام رسول ، شریف الحسن ، ظفر اقبال اور فواد امجد شامل ہیں۔
فرمان الہی
نماز کے اوقات
