کوہاٹ(مانیٹر نگ سیل)کوہاٹ پولیس نے اہم کارروائی کرتے ہوئے تحریک طالبان پاکستان کے اہم شدت پسند قاری اوید سمیت 68جرائم پیشہ عناصر کو گرفتار کرلیا ۔خیبر پختونخوا حکومت نے قاری اوید کے سر کی قیمت 5 لاکھ روپے مقرر کی تھی ۔ڈی پی او کوہاٹ جاوید اقبال کے مطابق جرائم پیشہ افراد کے خلاف پولیس نے شہر کے مختلف علاقوں میں کارروائی کی۔ اس دوران 68 جرائم پیشہ افراد کو گرفتار کرکے2 کلاشنکوف، 2 رائفل ،4 شاٹ گن، 7 پستول اور درجنوں گولیاں برآمد کرلی گئیں۔ڈی پی او کے مطابق کالعدم دہشت گرد تنظیم کے شدت پسند قاری اویدکا نام ریڈ بک میں شامل ہے ۔ اس نے 2014 میں مسافر گاڑی کو ریموٹ کنٹرول بم کا نشانہ بنایا جس میں 12 مسافر جاں بحق اور متعدد زخمی ہوئے تھے۔ حملے کے بعد قاری اوید دبئی روپوش ہوگیا تھا۔
فرمان الہی
نماز کے اوقات
