بہاولپور(ڈسٹرکٹ رپورٹر)سردی میں اضافے کے ساتھ بھی سوئی گیس کی بندش میں اضافہ سے گھریلوصارفین پریشان‘ تفصیل کے مطابق سوئی نادرن گیس بہاول پور ریجن نے گھریلو صارفین کو سردی شروع ہوتے ہی جھٹکے دینے شروع کر رہے ہیں رات 10سے صبح 5بجے تک اور صبح 9سے دوپہر تک غیر اعلانیہ گیس کی لوڈ شیڈنگ کی جا رہی ہے جس سے خواتین اور بچے براہ راست متاثر ہو رہے ہیں۔ کھانا پکانے کے اوقات میں گیس کا کم ہوجانا بھی معمول بن گیا ہے جس سے دوکاندار کاروبار پر جانے والے افراد پریشان ہیں۔ بہاول پور میں مقبول کالونی‘ عوامی کالونی‘ مہاجر کالونی‘ شاداب کالونی میں سوئی گیس کاپریشرصفرہوجاتاہے۔ صارفین ریحان‘ کامران‘ عامر قریشی‘ محمد معظم‘ آسیہ‘ شازیہ وغیرہ نے گفتگو کرتے ہوئے کہا کہ حکومت غیر اعلانیہ گیس کی لوڈ شیڈنگ بند کرے ،بصورت دیگر ہم احتجاج کرنے پر مجبور ہوں گے۔
فرمان الہی
نماز کے اوقات
