اسلام آباد (نمائندہ جنگ) بیگم کلثوم سیف اللہ خان میموریل ٹینس چیمپئن شپ میں مینز سنگلز کا ٹائٹل عقیل خان نے جیت لیا۔ سنیٹر سید دلاور عباس ٹینس کمپلکس،اسلام آباد میں جاری اس چیمپئن شپ کے مینز سنگلز کا فائنل عقیل خان اور محمد عابد کے درمیان کھیلا گیا جس میں عقیل خان نے عابد کو دو۔ ایک (5۔7،6۔3اور6۔3) سے شکست دیکر ٹائٹل حاصل کیا ۔ لیڈیز سنگلز پری کوارٹر فائنل میچز میں سارہ منصو، ماہین آفتاب، مہک کھوکھر، خونشا بابر، عشا جواد، بختاور حیدر اور سارہ محبوب نے اپنے اپنے میچز میں کامیابی حاصل کرکے کوارٹر فائنل میں جگہ بنا لی،انہوں نے بالترتیب عروج، ہانیہ نوید، شمزہ طاہر، شزہ ساجد، سارہ بانو، عیشل خان اور یاشا عتیق کو شکست دیکر کامیابی حاصل کی۔ بوائر انڈر18پر ی کوارٹر فائنل میچز میں مزمل مرتضٰی ، ثاقب عمر، احمد اسجد، محمد شعیب، برکت اللہ، امن عتیق، یوسف خان اور حارث عرفان نے کوارٹر فائنل میں جگہ بنالی۔ بوائز انڈر۔14 سیمی فائنل میچز میں محمد شعیب نے نعلین عباس ، امین شفیع نے عاقب عمر ، سبحان بن سالک نے سیمی زیب اور حمزہ بن ریخان نے محمد عبد اللہ کو شکست دیکر سیمی فائنل کیلئے کوالیفائی کر لیا۔ بوائز انڈر۔ 10کے کوارٹر فائنل میچز میں حامد اسرار نے محمد معیز گل کو،محمد طلحہ خان نے محمد عاصم کو اور حمزہ رومان نے زینب علی راجہ کو ہرا کر سیمی فائنل میں جگہ بنا لی۔
فرمان الہی
نماز کے اوقات
