کراچی (اسٹاف رپورٹر) چوتھی اسلامک گیمز میں شرکت کرنے والی پاکستان باسکٹ بال کی مینز اور ویمنز ٹیموں کے انتخاب کے لیے پاکستان باسکٹ بال فیڈریشن نے دو ٹورنامنٹس کے شیڈول کا اعلان کر دیا ہے۔ اس سلسلہ میں خواتین باسکٹ بال ٹورنامنٹ کا انعقاد 10سے 12 جنوری تک کراچی میں ہوگا جبکہ مینز ٹیم کے انتخاب کے لیے تین روزہ ٹورنامنٹ 15سے 17جنوری تک لاہور میں کھیلا جائیگا۔ پاکستان باسکٹ بال فیڈریشن کے اعلامیہ کے مطابق الحاق رکھنے والے تمام یونٹس کو اس بات کی ہدایت جاری کر دی گئی ہیں کہ تمام یونٹس اپنی دو دو ٹیمیں مرد اور خواتین ٹورنامنٹس میں شرکت کے لیے بھجوائیں۔ ان کا کہنا تھا کہ تمام یونٹس ٹورنامنٹ میں شرکت کے لیے 5 جنوری تک اپنے نام بھجوا سکتے ہیں۔ اسلامک گیمز آئندہ سال 12 سے 22 مئیء تک آزربائیجان کے شہر باکو میں منعقد ہونگے جس میں پاکستان کی مرد اور خواتین کی چار چار رکنی ٹیمیں حصہ لینگی۔
فرمان الہی
نماز کے اوقات
